Yn dilyn cyhoeddiad Prif Weinidog Cymru ddydd Llun 19 Hydref am gyfnod atal byr, rydym wedi adolygu’r effaith y bydd hynny’n ei chael ar y gwasanaethau yr ydym yn eu darparu i’n cwsmeriaid.

Byddwn yn parhau i sicrhau bod ein cwsmeriaid wrth wraidd yr hyn a wnawn, ond bydd yn rhaid i ni wneud pethau mewn ffordd ychydig yn wahanol oherwydd y newidiadau hyn a fydd mewn grym o 6pm nos Wener 23 Hydref tan ddydd Llun 9 Tachwedd. Isod, fe welwch chi newidiadau i’r modd y bydd ein gwasanaethau’n cael eu darparu yn ystod y cyfnod dan sylw, sy’n cyd-fynd â chanllawiau Llywodraeth Cymru.

Gosod tai

• Byddwn yn parhau i hysbysebu a dyrannu cartrefi gwag, ond dim ond drwy ddulliau rhithwir y bydd pobl yn gallu gweld y cartrefi hynny
• Ni fydd unrhyw gartrefi’n cael eu gosod, eu trosglwyddo na’u cydgyfnewid nes y bydd y cyfnod atal wedi pasio, oni bai ei bod yn amhosibl gohirio hynny e.e. oherwydd bod perygl i rywun fod yn ddigartref

Gwaith atgyweirio

• Byddwn yn parhau i weithio mewn cartrefi nad oes neb yn byw ynddynt
• Bydd gwaith brys yn parhau, ond bydd unrhyw waith nad yw’n waith brys yn cael ei ohirio nes y bydd y cyfnod atal wedi pasio

Gwaith a gynlluniwyd

• Bydd gwaith allanol a gynlluniwyd yn parhau, ond bydd unrhyw waith mewnol a gynlluniwyd yn cael ei ohirio yn ystod y cyfnod atal oni bai ei fod yn eiddo nad oes neb yn bwy ynddo

Cydymffurfio

• Eich diogelwch chi yw ein prif flaenoriaeth, felly byddwn yn parhau i gynnal pob archwiliad diogelwch a phob archwiliad cydymffurfio

Cynlluniau tai gwarchod a chynlluniau gofal ychwanegol

• Bydd lleoedd trin gwallt yn cau
• Dim ond yn unol â chanllawiau Llywodraeth Cymru y bydd ymweliadau’n gallu digwydd

Gallwch barhau i’n ffonio ar 01437 763688 neu anfon ebost i [email protected] neu gallwch drefnu apwyntiad fideo yma