Cymorth gyda chostau byw

Mae prisiau’n codi ar draws y wlad – mae pob un ohonom yn gweld hynny, yn enwedig prisiau bwyd ac ynni. Rydym wedi llunio’r rhestr ganlynol o wasanaethau cymorth a allai fod ar gael i chi.

Help i bawb

Mae’r cynlluniau hyn ar gael yn eang ac nid oes angen i chi wneud dim i elwa ohonynt – byddant yn cael eu rhoi ar waith yn awtomatig.

• Cynllun Cymorth Biliau Ynni

  Mae’n grant o £400 gan y llywodraeth, y bydd pob aelwyd sydd â chyflenwad trydan domestig yn ei gael. Nid oes angen i chi wneud cais amdano; bydd eich cwmni ynni’n ei gynnwys yn eich biliau yn yr hydref.

  Nid oes gan rai o’r cartrefi a reolir gennym gyflenwad trydan domestig, ac mae’r holl wres a’r holl drydan a ddefnyddir ganddynt yn mynd ar filiau cymunedol. Mae’r llywodraeth wedi cadarnhau y bydd y cymorth hwn yn cael ei ymestyn i bobl sydd ar filiau cymunedol, ond nid yw eto wedi egluro sut y bydd y cyfan yn cael ei weinyddu

• Cynllun Cymorth Tanwydd Llywodraeth Cymru 2022/23

  Gall aelwydydd cymwys sy’n byw yn Sir Benfro hawlio £200 a delir unwaith yn unig.

  Bydd y taliad ar gael i bob aelwyd gymwys (un taliad i bob aelwyd), waeth sut yr ydych yn talu am eich tanwydd, boed er enghraifft drwy fesurydd rhagdalu, drwy ddebyd uniongyrchol neu drwy dalu bil bob chwarter. Gallwch ei hawlio, waeth a ydych yn defnyddio tanwydd ar y grid neu oddi arno.

  Dim ond ar gyfer eiddo yng Nghymru y gall ymgeiswyr hawlio’r taliad, a dim ond os yr eiddo hwnnw yw eu prif gartref.  

  Mae’r taliad hwn yn ychwanegol at yr Ad-daliad Biliau Ynni a gynigir gan Lywodraeth y DU a’r Taliad Tanwydd Gaeaf a delir fel rheol i bensiynwyr gan yr Adran Gwaith a Phensiynau.

  Mae’r Cyngor wedi talu’r Taliad Cymorth Tanwydd o £200 i oddeutu 7,000 o aelwydydd cymwys sy’n cael y gostyngiad treth gyngor ar sail prawf modd ac sydd wedi cael taliad costau byw gwerth £150 yn ddiweddar.

  Mae’r taliad hwnnw wedi’i anfon i’r cyfrif banc a enwebwyd ar gyfer y taliad costau byw. Dylai’r taliad fod wedi cyrraedd y cyfrif hwnnw erbyn 3.10.22.

  Os na chawsoch y taliad erbyn 3.10.22, efallai eich bod yn un o’r aelwydydd na allem eu talu’n awtomatig. Felly, bydd angen i chi wneud cais gan ddefnyddio’r ddolen gyswllt hon.

Help i bobl ag incwm is

Os oes gan eich aelwyd incwm is, er enghraifft os ydych wedi cyrraedd oedran pensiwn neu os ydych yn gymwys i gael budd-daliadau ar sail prawf modd, mae rhywfaint o gymorth ychwanegol ar gael ar ben y cymorth uchod:

• Cynllun Gostyngiad Cartrefi Cynnes

  Os ydych yn cael yr elfen credyd gwarant o gredyd pensiwn, neu unrhyw fudd-daliadau eraill ar sail prawf modd, mae’n bosibl y byddwch yn gymwys i gael disgownt unwaith yn unig sy’n werth £150 gan eich cyflenwr ynni rhwng mis Hydref a mis Mawrth.

  Bydd eich cwmni ynni’n penderfynu pwy sy’n gymwys i gael y disgownt. Dylech gysylltu â’ch cwmni ynni os ydych yn credu eich bod yn gymwys, er mwyn sicrhau ei fod yn ymwybodol o’ch hawliad.

  Gallwch gael gafael ar ragor o wybodaeth ar wefan Ofgem.

• Taliad Tanwydd Gaeaf

  Os ydych wedi cyrraedd oedran pensiwn y wladwriaeth ac os ydych dan 80 oed, byddwch yn cael un taliad o £200 i bob aelwyd. Os ydych dros 80 oed, bydd y taliad yn £300. 

  Nid oes yn rhaid i chi wneud dim i gael y taliad hwn. 

  Mae hynny’n wir ond mae pensiynwyr eleni’n cael taliadau ychwanegol, gweler isod.

• Taliad Costau Byw i Bensiynwyr

  Os oes hawl gennych i gael Taliad Tanwydd Gaeaf ar gyfer gaeaf 2022 i 2023, byddwch yn cael £300 ychwanegol ar gyfer eich aelwyd, a delir gyda’ch taliad arferol o fis Tachwedd 2022 ymlaen. Bydd hynny ar ben unrhyw Daliad Costau Byw y byddwch yn ei gael gyda’ch budd-dal neu’ch credydau treth.

  Bydd cyfanswm y Taliad Tanwydd Gaeaf a gewch ar gyfer gaeaf 2022 i 2023 yn dibynnu ar eich amgylchiadau. Mae’r symiau hyn ar gyfer gaeaf 2022 i 2023 yn unig.

  Cliciwch yma i gael arweiniad

• Y Gronfa Cymorth Dewisol

  Mae’r llywodraeth wedi neilltuo arian ar gyfer pobl y mae arnynt angen cymorth ychwanegol i dalu am bethau hanfodol megis bwyd, ynni a dillad. I gael arian o’r gronfa, bydd angen i chi wneud cais yn uniongyrchol drwy Lywodraeth Cymru

• Help o fannau eraill

  Bydd sefyllfa pawb yn wahanol, ond os ydych yn ei chael yn anodd ymdopi â chostau byw o ddydd i ddydd, mae yna rai opsiynau y gallech eu harchwilio. Rydym wedi rhestru’r opsiynau hynny isod.

  Yn Sir Benfro, mae’r Hwb Cymunedol yn fan cychwyn da. Gallwch ei ffonio hefyd ar 01437 723660

  • Cysylltwch â’ch cyflenwr dŵr i weld a ydych yn gymwys ar gyfer tariff cymdeithasol – efallai y byddwch yn gallu lleihau eich costau drwy dariff HelpU Dŵr Cymru
  • Cysylltwch â’ch darparwr band eang i weld a oes ganddo dariff cymdeithasol y gallech newid iddo – efallai y byddwch yn gallu lleihau eich costau
  • Mae Hwb Cymunedol Sir Benfro yn gallu darparu data dyfais symudol am ddim i bobl dros 18 oed sy’n gymwys – 01437 732660 neu [email protected]
  • Ewch i wefan MoneySavingExpert Martin Lewis i weld amryw ffyrdd o arbed arian – mae ei erthygl ddiweddaraf yn dangos 90 ffordd o oroesi’r argyfwng costau byw
  • Gwiriwch a ydych efallai’n gymwys i gael unrhyw grantiau eraill neu gymorth ariannol arall, drwy fynd i wefan Turn2Us
  • Os oes angen cymorth banc bwyd arnoch, mae yna ddau fanc bwyd yn Sir Benfro. Cysylltwch â ni, neu Hwb Sir Benfro, neu cysylltwch â Chyngor ar Bopeth i ofyn am daleb
  • Mae Oergelloedd Cymunedol ym Mhont Fadlen – Hwlffordd a Doc Penfro (Canolfan Siopa Sant Gofan) gyda chymorth Pembrokeshire Frame
  • I gael help gyda dyledion, dylech siarad ag Elusen Ddyled StepChange neu Gyngor ar Bopeth Sir Benfro

Dolenni cyswllt defnyddiol