Os ydych chi, neu rywun sy’n byw gyda chi, yn cael trafferth gartref oherwydd afiechyd neu anabledd, gallai addasu eich cartref fod o fudd. Mae’r rhestrau isod yn darparu enghreifftiau o’r mathau o addasiadau y gallwn eu trefnu:

Mân addasiadau

• Canllawiau cydio, canllawiau cynnal a chanllawiau grisiau.
• Tapiau, dolenni drysau, socedi addas, e.e. tapiau lifer.
• Newidiadau i drothwyau, llwybrau a gatiau fel ei bod yn haws mynd a dod.
• Clychau drysau sy’n fflachio, ar gyfer cwsmeriaid sydd â nam ar eu clyw.
• Cyfarpar diogelwch tân, e.e. systemau rhybuddio sy’n fflachio ac yn dirgrynu, ar gyfer cwsmeriaid sydd â nam ar eu clyw a’u golwg.
• Cyfarpar agor ffenestri.
• Rampiau trothwy ar gyfer drysau mewnol.
• Systemau mynediad.

I gael mân addasiadau, llenwch y ffurflen Mân Addasiadau sydd ar-lein.

Addasiadau mawr

• Rampiau a chanllawiau sefydlog.
• Ceginau, ystafelloedd ymolchi neu gawodydd â chyfarpar arbennig, e.e. cawod heb ris i fynd i mewn iddi.
• Lifftiau sy’n symud drwy’r llawr, a theclynnau codi sy’n sownd wrth drac ar y nenfwd.
• Gwaith lledu drysau a ffenestri.
• Lifftiau grisiau.
• Toiledau golchi a sychu.

Os ydych yn credu bod angen addasiad mawr arnoch, cysylltwch â Chyngor Sir Penfro ar 01437 764551 a bydd y Cyngor yn trefnu bod therapydd galwedigaethol yn dod i gwrdd â chi ac yn asesu eich anghenion.

Gallwch weld ein Polisi Cymhorthion ac Addasiadau llawn yma.

Pan fyddwn wedi cael asesiad y therapydd galwedigaethol, byddwn yn cysylltu â chi i drefnu bod y gwaith yn cael ei gyflawni drwy ein his-gwmni, Gofal a Thrwsio Gorllewin Cymru. Os oes unrhyw resymau pam na allwn awdurdodi’r addasiad, byddwn yn cysylltu â chi i drafod eich opsiynau.