Mae ein cystadleuaeth arddio flynyddol yn agored ac mae’r ceisiadau wrthi’n cael eu beirniadu’n barod.

Heddiw bu Tom ac Ali yn ymweld â gerddi yn Nhyddewi a Solfach. Rydym yn gobeithio eich bod yn cytuno eu bod yn hardd dros ben.

1 2 ►

Gallwch gymryd rhan yn unrhyw un o’r dosbarthiadau canlynol:

1/ Yr Ardd Orau gan Berson Ifanc (dan 16 oed)

2/ Yr Ardd Orau o Safbwynt yr Amgylchedd / Bywyd Gwyllt (a yw eich gardd yn helpu’r amgylchedd mewn rhyw fodd? Er enghraifft, ydych chi’n defnyddio casgenni dŵr / ydy’r ardd yn denu llawer o wenyn neu ieir bach yr haf / peillwyr / a oes gennych abwydfa)

3/ Y Defnydd Gorau o Hen Bethau – Mae’r dosbarth hwn yn clodfori defnydd dychmygus o hen eitemau. Does dim angen i chi wario llawer o arian i gael gardd bert.

4/ Y Blwch Ffenestr Gorau neu’r Fasged Grog Orau

5/ Y Blodyn Haul Talaf

6/ Yr Ardd sydd wedi Gwella Fwyaf (er mwyn ymgeisio yn y dosbarth hwn, bydd angen i chi anfon lluniau o’r ardd mewn i ateb, cyn i chi ddechrau gweithio arni, er mwyn i ni allu gweld sut y mae eich gardd wedi gwella)

7/ Yr Ardd Hygyrch Orau 

8/ Y Cynnyrch Gorau y Gellir ei Fwyta

9/ Y Defnydd Mwyaf Arloesol o LE BACH

10/ Yr Ardd Unigol Orau

11/ Yr Ardd a Rennir/yr Ardd Gyffredin Orau (y bu grŵp yn hytrach nag unigolyn yn gweithio arni)

12/ Y Lle Awyr Agored Mwyaf Cymen – Mae’r dosbarth hwn yn canolbwyntio ar ba mor lân a thaclus rydych yn cadw’r lle sydd o gwmpas eich cartref.

13/ Y Stryd neu’r Ystad Fwyaf Cymen – Ydych chi’n ymfalchïo yn eich stryd? Ydych chi’n ei chadw’n lân ac yn daclus? Ydych chi wedi gwneud gwelliannau?

14/ Gwobr i Arwr Tawel – Ydych chi’n adnabod rhywun sy’n gwneud mwy na’r disgwyl i ofalu am ardd / lle awyr agored cymunedol ac sy’n haeddu diolch?

15/ Dosbarth Arbennig – Dyma ddosbarth ar gyfer cyflawniad rhagorol, a bydd y wobr yn cael ei rhoi i un o’n 14 o fuddugwyr. Bydd enillydd pob categori’n cael ei gynnwys yn awtomatig yn y dosbarth hwn, a bydd y beirniaid yn dewis un unigolyn neu grŵp i’w goroni yn brif arddwr ateb ar gyfer 2024.

I ymgeisio, defnyddiwch ein FFURFLEN YMGEISIO ar-lein

Os na allwch ddefnyddio ein ffurflen ymgeisio ar-lein na chysylltu â ni drwy ebost, ffoniwch ni ar 0800 854 568.

Rheolau

• Rhaid cyflwyno pob cais erbyn 3pm ddydd Gwener 30 Awst 2024.
• Byddwn yn ymweld â chi a’ch gardd yn bersonol. Rhaid i holl ymweliadau’r beirniaid fod wedi’u cwblhau cyn dydd Gwener 6 Medi.
• Nid ydym yn gwarantu y byddwn yn gallu ymweld â chi i feirniadu yn ystod yr wythnos yr ydych wedi gofyn amdani.
• Rhaid eich bod yn byw yn Sir Benfro.
• Os ydych am ymgeisio yn Nosbarth 6 – Yr Ardd sydd wedi Gwella Fwyaf – rhaid bod wedi anfon luniau, neu fideos byr, o’r ardd fel yr oedd hi, cyn ein hymweliad.
• Gallwch gofrestru’r un ardd ar gyfer unrhyw nifer o ddosbarthiadau addas.
• Wrth anfon eich ffurflen ymgeisio, rhaid i chi nodi pa ddosbarthiadau yr hoffech gymryd rhan ynddynt.
• Bydd ceisiadau’n cael eu derbyn drwy ffurflen ar-lein, drwy ebost neu dros y ffôn gydag aelod o’n tîm yn llenwi’r ffurflen ar-lein. Nid oes yn rhaid talu i gymryd rhan.
• Ni all staff ateb ymgeisio.
• Drwy ymgeisio yng Nghystadleuaeth Arddio ateb 2024, rydych yn cadarnhau eich bod yn rhoi caniatâd i ni ddefnyddio lluniau a dynnwyd o’ch gardd ar ein gwefan a’n sianelau ar gyfryngau cymdeithasol
• Os bydd gennym lai na 5 cais mewn unrhyw ddosbarth, rydym yn cadw’r hawl i ddileu’r dosbarth hwnnw
• Rydym yn cadw’r hawl i dynnu dosbarthiadau’n ôl neu dynnu’r gystadleuaeth gyfan yn ôl unrhyw bryd. Bydd pob un o benderfyniadau’r beirniaid yn rhai terfynol.

Cysylltwch ag Ali Evans i gael mwy o wybodaeth: 01437 774766 / 07500 446611 [email protected]

Peidiwch oedi, ymgeisiwch heddi!

Cyhoeddwyd: 16/07/2024