Mewngofnodi
0800 854568
Rydym yn falch o gyhoeddi bod ateb wedi llofnodi addewid ‘Gwneud Nid Dweud’ Tai Pawb i roi terfyn ar anghydraddoldeb hiliol ym maes tai.
Mae Tai Pawb yn gweithio i hybu cydraddoldeb a chyfiawnder cymdeithasol ym maes tai yng Nghymru, ac mae wedi bod yn gweithio gyda’r sector tai i fynd i’r afael ag anghydraddoldeb hiliol. Mae’r addewid yn cynnwys nifer o gamau gweithredu y byddwn yn ymrwymo iddynt yn ystod y pum mlynedd nesaf, sef:
- Lleihau effaith Covid-19 ar staff a chymunedau o gefndiroedd Du, Asiaidd a lleiafrifoedd ethnig eraill.
- Gwella amrywiaeth ethnig y Bwrdd a’r staff ar bob lefel.
- Cyfathrebu ac ymgysylltu.
- Datblygu diwylliant cynhwysol.
Mae hwn yn rhan o ddarn mwy o waith lle bydd ateb yn datblygu nodau a chynlluniau gweithredu gan weithio gyda’n Bwrdd i ystyried pob agwedd ar amrywiaeth, sy’n hybu Ein DNA #HybuHygyrchedd ac yn helpu i greu atebion gwell o ran byw i bawb.
Byddwn yn cydweithio’n agos â Tai Pawb i gynnal cyfres o sesiynau er mwyn codi ymwybyddiaeth o’r addewid ‘Gwneud Nid Dweud’ ac er mwyn cyflwyno hyfforddiant ynghylch cydraddoldeb i’n timau.
Os hoffech gael gwybod mwy am yr addewid, cliciwch yma
