Os ydych yn un o wladolion yr UE, yr Ardal Economaidd Ewropeaidd neu’r Swistir a’ch bod am barhau i fyw yn y DU ar ôl 30 Mehefin 2021, dylech wneud cais i’r Cynllun Preswylio’n Sefydlog i Ddinasyddion yr UE. Mae’n broses hawdd a gellir ei chwblhau ar-lein yma.

Os bydd eich cais yn llwyddiannus, byddwch yn cael statws preswylydd sefydlog neu statws preswylydd cyn-sefydlog.

Byddwch yn gallu:

• gweithio yn y DU
• defnyddio’r GIG am ddim, os gallwch wneud hynny ar hyn o bryd
• cofrestru i gael addysg neu astudio yn y DU
• cael arian cyhoeddus megis budd-daliadau a phensiynau, os ydych yn gymwys i’w cael
• teithio i mewn ac allan o’r DU.

Mae llawer o wybodaeth amrywiol ar gael am y Cynllun Preswylio’n Sefydlog i Ddinasyddion yr UE ac rydym yn argymell eich bod yn mynd i wefan gov.uk i gael gwybod mwy.

Os ydych yn pryderu neu’n ei chael yn anodd deall, mae croeso i chi gysylltu â’n Tîm Atebion Ariannol drwy anfon ebost i [email protected] neu ffonio 01437 763688.

Fel arall, gallwch hefyd gysylltu â’ch swyddfa leol Cyngor ar Bopeth.

Cyhoeddwyd: 13.01.2021