• Rwyf wedi cael cynnig y swydd. Beth nesaf?

  Bydd angen i ni fynd drwy nifer o brosesau cymeradwyo cyn y gallwch ddechrau eich swydd gyda ni. Byddwch yn cael cynnig amodol gennym, sy’n gynnig dros dro ac sy’n amodol ar fodloni prosesau cymeradwyo. Peidiwch â rhoi rhybudd i’ch cyflogwr presennol eich bod yn gadael eich swydd, nes y byddwch wedi cael eich cynnig diamod terfynol yn ysgrifenedig.

• Pam yr ydych yn gofyn am fy mhasbort/tystysgrif geni?

  Mae angen y rhain arnom i sicrhau bod gennych hawl i weithio yn y DU. Ers 2008, rhaid i bob ymgeisydd brofi bod ganddo/ganddi hawl gyfreithiol i weithio yn y DU. Fel rheol, gallant brofi hynny drwy ddangos tystysgrif geni neu basbort a roddwyd yn y DU, ond gallant wneud hynny hefyd drwy ddangos ystod o ddogfennau eraill. 

• Pam y mae’n rhaid i fi lenwi ffurflen iechyd cyn cyflogaeth?

  Ar ôl cael cynnig y swydd, byddwch yn llenwi ffurflen iechyd ar-lein. Rydym yn defnyddio darparwr trydydd parti annibynnol ym maes Iechyd Galwedigaethol, sy’n ein helpu i sicrhau bod modd i chi ymgymryd â gofynion y swydd, ac a fydd yn dweud wrthym os oes angen unrhyw gymorth neu addasiadau rhesymol arnoch.

• Pam y mae angen i fi gael gwiriad gan y Gwasanaeth Datgelu a Gwahardd?

  Mae rhai swyddi yng Ngrŵp ateb yn golygu gweithio gydag oedolion agored i niwed, felly mae angen i ni gynnal gwiriad gan y Gwasanaeth Datgelu a Gwahardd i sicrhau eich bod yn addas ar gyfer y swydd. Mae hynny’n bwysig er mwyn cadw pawb yn ddiogel. Bydd y proffil rôl ar gyfer y swydd wag yn nodi a fydd angen gwirio cofnodion troseddol neu gael gwiriad gan y Gwasanaeth Datgelu a Gwahardd.

• Beth yw “Atodlen 1”?

  Rhan o ddeddf a elwir yn Ddeddf Tai 1996 yw Atodlen 1. Mae’n egluro’r rheolau ar gyfer gweithio yng Ngrŵp ateb. Rydym yn gofyn cwestiynau ar ein ffurflen gais oherwydd bod angen i ni wybod a oes gennych gysylltiadau ag aelodau bwrdd, a ydych wedi dal swyddi yma yn y gorffennol, ac a ydych yn perthyn i gyflenwyr neu aelodau presennol neu flaenorol o staff. Rydym hefyd yn cofnodi unrhyw denantiaethau neu gysylltiadau teuluol sydd gennych sy’n gysylltiedig â Grŵp ateb. Bydd angen i ni ofyn am gymeradwyaeth y Bwrdd ar gyfer unrhyw benodiadau Atodlen 1. Yn anffodus, os ydych yn perthyn i un o aelodau ein Bwrdd ni chaniateir dan Atodlen 1 i chi gael eich cyflogi gan Grŵp ateb.

• Beth yw cynnig amodol a chynnig diamod?

  Mae cynnig amodol, a elwir weithiau yn gynnig dros dro, yn golygu bod yn rhaid i chi fodloni prosesau cymeradwyo. Gallai hynny gynnwys gwiriadau iechyd cyn cyflogaeth, dogfennau sy’n profi’r hawl i weithio, tystysgrifau sy’n berthnasol i’r swydd, gwiriadau gan y Gwasanaeth Datgelu a Gwahardd, neu eirdaon.

  Ar y llaw arall, caiff cynnig diamod ei roi heb bennu unrhyw gyfyngiadau neu heb ddisgwyl i chi fodloni prosesau cymeradwyo, oherwydd y cynnig hwn fel rheol fydd y cynnig terfynol y byddwch yn ei gael.

• Beth fydd yn digwydd pan fyddaf wedi cael fy nyddiad dechrau?

  Bydd y rheolwr cyflogi’n cadw mewn cysylltiad â chi, a bydd y Tîm Pobl yn anfon y manylion sefydlu, y telerau a’r amodau, ac unrhyw waith papur arall atoch. Bydd ein Tîm Gwasanaethau Digidol yn cysylltu â chi ac yn trefnu eich bod yn cael unrhyw gyfarpar TGCh y gallai fod arnoch ei angen.

Pan fyddwch wedi dechrau

• A oes yna gyfnod prawf?

  Oes, mae gennym gyfnod prawf o 6 mis.

• A allwch gymryd gwyliau blynyddol yn ystod eich cyfnod prawf?

  Gallwch. Gallwch ddechrau cronni gwyliau blynyddol o ddechrau eich cyflogaeth, heb ystyried y cyfnod prawf.

• Pa hyfforddiant a chymorth a ddarperir pan fyddaf yn dechrau?

  Bydd pob gweithiwr newydd yn cael cynllun sefydlu cynhwysfawr a fydd yn para drwy gydol eich cyfnod sefydlu o 6 mis.

  Mae’r cynllun yn cynnwys hyfforddiant, cyfleoedd i gysgodi a chyfleoedd i gwrdd â’ch cydweithwyr newydd a rhanddeiliaid allweddol. 

  Bydd y cynllun yn cael ei anfon atoch cyn i chi ddechrau.

Yn ôl i’r dudalen Cwestiynau Cyffredin am Recriwtio.