Mewngofnodi
0800 854568
Rydym yn cynnig amrywiaeth eang o gartrefi sy’n addas i wahanol anghenion ac i deuluoedd o wahanol faint.
Caiff y rhan fwyaf o’n cartrefi fforddiadwy i’w rhentu eu hysbysebu ar wefan Cartrefi Dewisedig. Cliciwch yma i gael rhagor o fanylion.
Caiff nifer fach ohonynt eu dyrannu drwy Gofrestr Tai Hygyrch Sir Benfro ar gyfer pobl y mae arnynt angen cartref sydd wedi’i addasu.
Mae gennym gartrefi hefyd ar gyfer pobl dros 55 oed y mae arnynt angen llety Byw’n Annibynnol.
Edrychwch ar ein 
llyfryn ynghylch Cartrefi Byw’n Annibynnol i gael mwy o wybodaeth.
Rydym wedi ymrwymo i ddarparu cymaint ag sy’n bosibl o gartrefi fforddiadwy newydd i’w gosod. Gallwch weld beth yr ydym yn ei adeiladu ar ein tudalen am ddatblygiadau.
Rwy’n chwilio am gartref i’w rentu?
I rentu un o’n cartrefi, bydd angen i chi ymuno â’r gofrestr tai.
Y ffordd gyflymaf a hawsaf o wneud hynny yw ar-lein (cliciwch yma), gan ddilyn y cyfarwyddiadau.
Neu gallwch:
- Lawrlwytho ffurflen yma, ei llenwi ac yna ei hanfon drwy ebost i [email protected]
Neu gallwch:
- Ofyn am gopi papur drwy ffonio Cyngor Sir Penfro ar 01437 764551
Rydym yn hysbysebu’r eiddo sydd ar gael gennym ar wefan CartrefiDewisedig@SirBenfro, a phan fyddwch wedi cofrestru gallwch ddechrau cynnig am gartref.
Pan welwch chi gartref sy’n diwallu eich anghenion, gallwch gyflwyno eich cynnig ar wefan CartrefiDewisedig drwy ddefnyddio eich rhif aelodaeth / rhif cynnig personol.
Bydd polisi dyrannu CartrefiDewisedig (sydd i’w weld yma) yn sôn wrthych yn fanwl sut y caiff cartrefi eu dyrannu gan bartneriaid tai CartrefiDewisedig@SirBenfro (sef ni (ateb), Cyngor Sir Penfro a Chymdeithas Dai Wales & West).
- Os ydych wedi cofrestru eisoes ond bod eich amgylchiadau wedi newid, e.e. bod gan eich teulu aelod newydd, cysylltwch â Chyngor Sir Penfro ar 01437 764551.
Cynllun Gweithwyr Lleol
Weithiau pan fyddwn yn hysbysebu ein cartrefi, byddwn yn rhoi blaenoriaeth i bobl sy’n weithwyr lleol. I gael gwybod mwy, ewch i’n tudalen ar y we am y Cynllun Gweithwyr Lleol.
Cynllun Gosod Tai i Bobl Leol
Rydym hefyd yn hysbysebu rhai o’n cartrefi newydd gan roi blaenoriaeth i bobl leol. I gael gwybod mwy, ewch i’n tudalen ar y we am y Cynllun Gosod Tai i Bobl Leol.
