Ydych chi’n gweithio yn Sir Benfro?

Gallai Cynllun Gweithwyr Lleol ateb eich helpu i ddod o hyd i gartref i’w rentu.

Bydd cartrefi sydd wedi’u rhestru ar y rhestr wythnosol o dai dan y pennawd Cynllun Gweithwyr Lleol yn rhoi blaenoriaeth i bobl y mae’r datganiadau canlynol yn wir amdanynt:

• Rwy’n gweithio yn Sir Benfro ac mae cyfanswm incwm blynyddol fy aelwyd yn llai na £60,000
• Nid wyf yn berchen ar gartref
• Rwyf wedi cofrestru’n barod gyda CartrefiDewisedig@SirBenfro
• Nid wyf yn un o denantiaid ateb neu Gyngor Sir Penfro yn barod

Os yw’r 4 datganiad yn wir amdanoch chi, rydych yn gymwys i gofrestru ar gyfer ein Cynllun Gweithwyr Lleol. Dylech lenwi ein ffurflen gais ar gyfer y Cynllun Gweithwyr Lleol a’i dychwelyd gyda’ch tystiolaeth.

Os oes gennych unrhyw gwestiynau, mae croeso i chi gysylltu â’n Tîm Gwasanaethau i Gwsmeriaid drwy anfon ebost i [email protected] neu ein ffonio ar 0800 854 568.

Cwestiynau cyffredin

C: Alla’ i gynnig am gartrefi’r Cynllun Gweithwyr Lleol os byddaf yn anfon ffurflen yn awr?

A: Ni fyddwch yn cael eich rhoi ar y rhestr fer ar gyfer cartrefi’r Cynllun Gweithwyr Lleol nes y bydd eich cais i gofrestru wedi’i gymeradwyo.

C: Dim ond contract dim oriau sydd gen i. Alla’ i ymuno â’r Cynllun Gweithwyr Lleol?

A: Gallwch, ond bydd angen i chi ddarparu tystiolaeth i ddangos eich bod yn gweithio yn Sir Benfro. Bydd y manylion llawn yn cael eu hesbonio wrth i chi wneud cais.

C: Rwy’n gwirfoddoli yn Sir Benfro. Yw hynny’n cyfrif?

A: Dim ond rhai proffesiynau gwirfoddolwyr sy’n gymwys. Bydd y manylion llawn yn cael eu hesbonio wrth i chi wneud cais.

C: Roeddwn yn arfer gweithio yn Sir Benfro a hoffwn ddychwelyd. Yw hynny’n cyfrif?

A: Nac ydyw. Dim ond pobl sy’n gweithio yn Sir Benfro ar hyn o bryd sy’n gymwys.