Mae’r Prosiect Cefnogaeth ddigidol yn cynorthwyo ein cwsmeriaid i fod yn rhan o’r byd digidol.

Gallwn ddefnyddio ein fan cymorth digidol, sef ‘Dot.e’, i ddod â chymorth i stepen eich drws

Gallwn eich helpu gyda’r canlynol:

• Hyfforddiant digidol i’ch cynorthwyo i fynd ar-lein, arbed arian a chadw’n ddiogel
• Ceisiadau am Gredyd Cynhwysol
• Cymorth gyda chyfrifon ar-lein ar gyfer Credyd Cynhwysol a Mudo i Gredyd Cynhwysol
• Rhoi benthyg dyfais ddigidol i chi fel y gallwch fynd ar-lein
• Darparu cerdyn sim â data rhad ac am ddim am 6 mis

Dyma rai enghreifftiau o’r hyfforddiant digidol y gallwn ei ddarparu:

• Hyfforddiant i ddefnyddio cyfrifiadur, ffôn neu lechen am y tro cyntaf
• Hyfforddiant i ddefnyddio galwadau fideo, cyfryngau cymdeithasol ac apiau i gysylltu â pherthnasau a ffrindiau
• Help i gael gafael ar wasanaethau ar-lein megis cyfleuster Fy Nghyfrif Cyngor Sir Penfro ac i siopa’n ddiogel ar-lein, a llawer iawn mwy!
• Help i ymgeisio am swyddi ar-lein
• Cyflwyniad i apiau a allai helpu gydag anghenion o ran hygyrchedd

Mae croeso i chi gysylltu os hoffech gael help digidol, hyd yn oed os nad yw’r help hwnnw wedi’i restru uchod. Fe wnawn ni weld beth y gallwn ei wneud i’ch helpu. 

Hoffech chi gael hyfforddiant digidol i’ch cymuned?

Oes angen i chi gael benthyg llechen i fynd ar-lein?

Mae croeso i chi gysylltu drwy anfon ebost i [email protected] neu drwy ffonio aelod o’n tîm cyfeillgar ar 0800 854 568.

Ac yn olaf, cofiwch gadw eich llygaid ar agor am fan Dot.e yn eich ardal chi!