Mae ateb yn neilltuo swm o arian bob blwyddyn i amnewid amryw eitemau’n rheolaidd yn eich cartrefi er mwyn eu cadw mewn cyflwr da. Caiff y rhaglen honno ei galw’n rhaglen gwelliannau arfaethedig.

Gwelliannau arfaethedig

Mae gennym gylch amnewid ar gyfer yr holl elfennau unigol sydd mewn tai – ceginau, ystafelloedd ymolchi, ffenestri ac ati – a chaiff cartrefi eu harolygu’n gyson er mwyn ein galluogi i asesu pryd y bydd angen i’r gwaith amnewid ddigwydd. Mae’n bwysig iawn ein bod yn gallu mynd i mewn i’ch cartref i gynnal yr arolwg hwn.

Byddwn yn rhoi gwybod i chi pryd y bydd yr arolwg yn cael ei gynnal, ac yn rhoi gwybod i chi am unrhyw waith y bwriedir ei gyflawni yn eich cartref. Bydd ein contractwyr yn cysylltu’n uniongyrchol â chi i drefnu bod modd iddynt fynd i mewn i’ch cartref i gyflawni’r gwaith y maent yn ei wneud ar ein rhan. Fe welwch restr isod o’n contractwyr cymeradwy ar gyfer gwelliannau arfaethedig.

• Caiff ceginau eu hasesu bob 15 mlynedd i weld a oes angen eu hamnewid. Os oes angen cegin newydd, byddwn bob amser yn gofyn i chi beth yr hoffech ei gael o ran wynebau gweithio, unedau a lliwiau lloriau sydd â gorffeniadau a fydd yn eich atal rhag llithro. Gallwch drafod hynny â’n tîm gwelliannau arfaethedig a’n contractwr.
• Caiff ystafelloedd ymolchi eu hasesu bob 25 mlynedd i weld a oes angen eu hamnewid. Os oes angen ystafell ymolchi newydd, byddwn yn trafod â chi pa ddewisiadau sydd ar gael o ran lloriau a fydd yn eich atal rhag llithro ac o ran byrddau ar gyfer y waliau.
• Caiff ffenestri a drysau allanol eu hasesu hefyd ar sail cylch o 25 mlynedd.
• Caiff profion trydanol eu cynnal bob amser pan fydd tenantiaeth yn newid, a chânt eu cynnal bob 5 mlynedd fel mater o drefn.

Contractwyr cymeradwy ar gyfer gwelliannau arfaethedig

Rydym yn defnyddio arbenigedd contractwyr allanol i gyflawni llawer o’n gwelliannau i gartrefi. Isod, fe welwch restr o’n contractwyr allanol presennol. Dylai pob un ohonynt fod yn cario dogfen neu fathodyn adnabod a dylent fod wedi cysylltu â chi cyn ymweld â’ch cartref – ni ddylai neb ymweld â chi’n ddirybudd. Os bydd gennych unrhyw bryderon neu ymholiadau am gontractwr sy’n ymweld â chi neu’n eich ffonio, mae croeso bob amser i chi ein ffonio ni ar 0800 854 568 i gadarnhau bod popeth yn iawn.

WB Griffiths – Kitchens and bathrooms

LCB – Patios, paving, fencing, roofs, render and external works.

Solar – Windows & Doors

Ling Electrical – Smoke alarm upgrades

TBC – Fire doors

ADS and WB Griffiths – Heating & Plumbing

Warm Serve and WB Griffiths – Electrical rewiring

Hoffech chi gael gwybod mwy am y gwelliannau arfaethedig ar gyfer eich cartref?

Mae croeso i chi siarad ag aelod o’n tîm cyswllt ar 0800 854 568

Cod Ymddygiad – Mae’n esbonio’r ymddygiad y gallwch ei ddisgwyl pan fyddwn yn anfon contractwr i gyflawni gwaith yn eich cartref.