Ymddiriedolaeth ateb yw ein menter rhoi grantiau gwerth hyd at £1500, y bwriedir iddi roi cyllid i syniadau a phrosiectau sy’n grymuso cymunedau ac yn gwella bywydau yn yr ardaloedd y mae ateb yn eu gwasanaethu. Caiff grwpiau cymunedol, cymdeithasau tenantiaid a phreswylwyr, ac unrhyw sefydliadau neu fudiadau eraill sy’n cynorthwyo ein cwsmeriaid eu gwahodd i wneud cais am gyllid i wneud gwahaniaeth.

Nod Ymddiriedolaeth ateb yw ariannu amrywiaeth o atebion i helpu a chynorthwyo pobl a chymunedau ateb drwy:

• Gynorthwyo cymunedau i feithrin capasiti a bod yn hunangynhaliol.

• Adfywio cymunedau drwy raglenni cymdeithasol, economaidd ac amgylcheddol a rhaglenni iechyd a lles.

• Helpu pobl hŷn ac agored i niwed i barhau i fyw yn eu cartrefi a’u cymunedau pan fydd eu ffordd o fyw’n newid.

Cymerwch eiliad i fwrw golwg ar dudalen newydd Ymddiriedolaeth ateb ar y we yma er mwyn dysgu mwy am beth y mae Ymddiriedolaeth ateb yn ei olygu a sut y bydd yn gweithio.

Bydd y rownd gyntaf yn agor ddydd Llun 6 Ionawr 2025 a bydd ar agor tan ddiwedd y mis – canol nos, nos Wener 31 Ionawr 2025. Felly, dechreuwch feddwl sut y gallai Ymddiriedolaeth ateb eich helpu chi neu helpu eich cymuned neu grŵp sy’n chwarae rhan bwysig ym mywydau ein cwsmeriaid.

Ewch ati i wneud cais a dechrau creu eich atebion gwell eich hunain o ran byw!

Cyhoeddwyd: 12/12/2024