Croeso i Ymddiriedolaeth ateb

Yn cefnogi cymunedau, yn newid bywydau

Yn ateb, rydym yn credu bod byw’n well yn dechrau gyda lle y gallwn ei alw’n gartref. Ond mae cartref yn fwy na phedair wal yn unig – mae’n sylfaen ddiogel, gadarn y gall pobl a chymunedau ffynnu ohono. Cafodd Ymddiriedolaeth ateb ei chreu er mwyn gwireddu’r weledigaeth hon drwy gefnogi prosiectau sy’n hybu lles ac yn creu cyfleoedd i’r sawl y mae arnynt eu hangen fwyaf.

Beth yw Ymddiriedolaeth ateb?

Ymddiriedolaeth ateb yw ein menter rhoi grantiau, y bwriedir iddi roi cyllid i syniadau a phrosiectau sy’n grymuso cymunedau ac yn gwella bywydau yn yr ardaloedd yr ydym yn eu gwasanaethu. Drwy ddefnyddio canran o’r rhodd cymorth a geir gan Mill Bay Homes, ein nod yw cefnogi’r sawl sydd â’r un diben â ni: sef creu atebion gwell o ran byw i bawb.

Mae grantiau gwerth hyd at £1,500 ar gael i brosiectau sy’n cyd-fynd ag un neu ragor o’r nodau canlynol:

• Helpu cymunedau i fod yn hunangynhaliol ac yn gydnerth
• Adfywio cymdogaethau drwy fentrau cymdeithasol, economaidd ac amgylcheddol a mentrau lles
• Cynorthwyo pobl hŷn ac agored i niwed i barhau i fyw yn eu cartrefi a’u cymunedau

Bydd tair rownd gyllido bob blwyddyn.

• Bydd rowndiau pan fydd grwpiau’n gallu cyflwyno eu ceisiadau ar agor yn ystod y misoedd canlynol – Gorffennaf, Hydref ac Ionawr.
• Bydd ceisiadau’n cael eu hystyried yn ystod y misoedd canlynol – Awst, Tachwedd a Chwefror.
• Bydd cyllid yn cael ei ddyfarnu yn ystod y misoedd canlynol – Medi, Rhagfyr a Mawrth.

Y broses gwneud cais

• Pwy all wneud cais?

  Rydym yn croesawu ceisiadau gan y canlynol:

  • Cymdeithasau Tenantiaid a Phreswylwyr cyfansoddiadol ateb
  • Sefydliadau/mudiadau dielw trydydd parti

  Rhaid i geisiadau ddangos sut y bydd y prosiect yn sicrhau budd i bobl a chymunedau ateb, yn sicrhau effaith hirdymor ac yn cyd-fynd â diben yr Ymddiriedolaeth.

• Sut mae gwneud cais

  Mae gwneud cais am grant yn syml:

  • Llenwi’r ffurflen gais – Darparwch gynllun clir ar gyfer y prosiect a dadansoddiad o’r costau (hyd at £1,500).
  • Dangos effaith – Dangoswch sut y bydd eich prosiect yn gwneud gwahaniaeth ac yn parhau’n gynaliadwy.
  • Cyflwyno eich cais – Bydd ceisiadau’n cael eu hadolygu gan ein Pwyllgor Cwsmeriaid, a bydd penderfyniadau ynghylch cyllid yn cael eu seilio ar y graddau y mae’r ceisiadau yn cyd-fynd â’n nodau ac ar y gyllideb sydd ar gael.

  Bydd y rownd gyllido nesaf yn agor ym mis Ionawr 2025, felly paratowch i wireddu eich syniadau!

Pam y mae Ymddiriedolaeth ateb yn bwysig

Rydym yn deall pwysigrwydd cefnogi prosiectau:

• Sy’n ysbrydoli newid er gwell mewn cymunedau
• Sy’n helpu pobl i deimlo’n ddiogel ac i deimlo eu bod yn cael eu cefnogi a’u grymuso
• Sy’n sicrhau effaith gynaliadwy, hirdymor.

Boed yn ardd gymunedol, yn weithdai lles neu’n fentrau sy’n cysylltu pobl â’i gilydd, mae Ymddiriedolaeth ateb yma i roi cyllid i syniadau sydd wir yn gwneud gwahaniaeth.

Straeon llwyddiant

Rydym wrth ein bodd yn dathlu effaith anhygoel y prosiectau a gefnogir gennym. Caiff ymgeiswyr llwyddiannus eu hannog i rannu eu straeon â ni er mwyn ysbrydoli pobl eraill a dangos grym newid a arweinir gan y gymuned.

Dechreuwch arni heddiw

Ydych chi’n barod i wneud gwahaniaeth? Dechreuwch gynllunio eich cais yn awr er mwyn bod yn rhan o rywbeth arbennig.

I gael gwybod mwy, cysylltwch â ni yma: [email protected]